Şəhidlərimiz — I Qarabağ Müharibəsi

Samir Zeynalov 1973-cü il iyunun 10-da Gəncə şəhərində anadan olmuşdur. Orta təhsilini 9 saylı orta məktəbdə almışdır. Çox savadlı gənc idi. Dəfələrlə məktəblərarası bilik müsabiqəsində iştirak etmişdi. Xüsusi bacarığa mailk idi. Dülgərlik işini də  bacarırdı. Uşaqlıqdan ermənilərə nifrət edən Samir hələ 18   yaşı tamam olmamış hərbi xidmətə getmək üçün mənsub olduğu komissarlığa müraciət etmişdi. Lakin qanun icazə vermədiyindən onu hərbi xidmətə aparmadılar. Samir Zeynalov 1991-ci il martın 5-də könüllü olaraq cəbhəyə yollandı. 709 saylı hərbi hissədə xidmət etməyə başladı. Ağdamın Boyəhmədli, Gülablı, Mərzili kəndləri uğrunda gedən döyüşlərdə xüsusilə fərqlənirdi. Bu barədə qəzetlərdə xeyli yazılmışdı.    Samir Xıdır oğlu Zeynalovun son döyüşü 1992-ci il iyulun 18-də Ağdamın Novruzlu kəndi yaxınlığında oldu. 20 yaşlı gənc döyüşçü gözlərini əbədi yumdu. Məzarı Gəncə Şəhidlər Xiyabanındadır.