Şəhidlərimiz — I Qarabağ Müharibəsi

Zakaryayev Feliks Nizaməddin oğlu 22 oktyabr 1972-ci ildə Dağıstan Respublikasının Stalski rayonunda anadan olmuşdur. Hələ uşaq yaşlarında atasını itirən Feliks altı yaşında ikən anası ilə birlikdə Gəncə şəhərinə köçmüşlər. İdmanın boks növü ilə ciddi məşğul olan Feliks Zakaryayev dəfələrlə şəhər yarışlarının qalibi olmuşdur. O, 1990-1992-ci illərdə Xarkov vilayətində həqiqi hərbi xidmətdə olmuş, hərbidən qayıtdıqdan sonra isə ermənilərin törətdikləri faciələrin şahidi olan Feliks öz istəyi ilə Nizami Rayon Hərbi Komissarlığı tərəfindən səfərbərliyə alınmış, 703 saylı hərbi hissənin tərkibində Ağdərə, Tərtər bölgələrində vuruşmuşdur. 2 aprel 1993-cü ildə Kəlbəcər ətrafında gedən qızğın döyüşlərdə minaya düşmüş Zakaryayev Feliks Nizaməddin oğlunun həyatını xilas etmək mümkün olmamış və 18 gündən sonra, 20 aprel 1993-cü ildə igid həmyerlimiz qəhrəmancasına şəhidlik zirvəsinə ucalmışdır.