Şəhidlərimiz — I Qarabağ Müharibəsi

Vəliyev Vəli Alverən oğlu 21 aprel 1973-cü ildə Qərbi Azərbaycanın  Tumanyan rayonunun Axtala kəndində anadan olmuş, Axtala kənd orta məktəbində oxumuş və 1988-ci ildə ailəsi ilə birlikdə Gəncə şəhərinə köçmüşlər. Vəli Vəliyev təhsilini 18 saylı orta məktəbdə davam etdirmişdir. O, orta məktəbi bitirdikdən sonra 1991-ci ildə Kəpəz Rayon Hərbi Komissarlığı tərəfindən həqiqi hərbi xidmətə çağırılmış Ağdam rayonu ərazisində yerləşən 709 saylı hərbi hissənin tərkibində sıravi əsgər kimi vuruşmuşdur. Vəli Vəliyev döyüş bacarığı və nizam-intizamı ilə tez bir zamanda əsgərlər arasında böyük hörmət qazanmış, ona verilən döyüş tapşırıqlarını şərəflə yerinə yetirmiş və düşmənin silahlı qüvvələrinə sarsıdıcı zərbələr endirmişdir. Vəliyev Vəli Alverən oğlu 28 iyul 1993-cü ildə Ağdam rayonunda döyüş tapşırığını yerinə yetirərkən itkin düşmüş, Kəpəz Rayon Məhkəməsinin 16 iyun 2003-cü il tarixli 2-3302007 nömrəli qətnaməsinə əsasən Vəliyev Vəli Alverən oğlu itkin düşdüyü, yəni 28 iyul 1993-cü il tarixdən  şəhid elan edilmişdir.