Şəhidlərimiz — I Qarabağ Müharibəsi

Samir Vəliyev 1965-ci il aprelin 20-də Gəncə şəhərində anadan olmuşdur. Orta təhsilini 34 saylı orta  məktəbdə almışdır. 1980-ci ildə orta təhsiini biirdikdən sonra İnşaat Texnikumunda oxumuşdur. 1984-cü ilin noyabrında hərbi xidmətə getmişdi. 1989-cu ildə Moskvada Ümumittifaq Kənd Təsərrüfatı İnstitutuna daxil olmuşdur. 1987-ci ildə milis sistemində işə qəbul olmuşdur və Tula şəhərinə göndərilmişdi.

Nankor ermənilər baş qaldıran kimi Samir Vəliyev vətənə qayıtmışdı. 1991-ci ildə Gəncədə xüsusi təyinatlı milis dəstəsinin tərkibinə daxil olmuşdur. Çaykəndin azad olunmasında, Tərtər və Ağdam bölgələrində döyüşlərdə  iştirak etmişdi. Həmçinin Daşaltıda, Horadizdə, Tərtər rayonunda igidlik göstərmişdi.

Samir Daşdəmir oğlu Vəliyev 1992-ci il iyunun 25-də Ağdamın Cinlilər kəndi uğrunda gedən qanlı   döyüşlərin birində şəhidlik zirvəsinə ucalmışdır. Məzarı Gəncə Şəhidlər Xiyabanındadır.

mərhum döyüşçünün ruhuna hörmət əlaməti olaraq Gəncə şəhər Xalq Deputatlar Məclisinin Rəyasət heyətinin 1993-cü il 13 saylı protokolu əsasında 34 №-li orta məktəb indi onun adını daşıyır.