Şəhidlərimiz — I Qarabağ Müharibəsi

Elşən  Tağıyev 1975-ci il aprelin 10-da Gəncə şəhərində anadan olmuşdur. Elşən çox zirək, bacarıqlı və savadlı oğlan idi. Şəkil çəkməyi sevirdi. Orta təhsilini əla qiymətlərlə 7 saylı orta məktəbdə alan Elşən 1991-ci ildə təhsilini 9 saylı texniki-peşə məktəbində davam etdirmişdir.

Elşən Tağıyev 1993-cü il aprelin 15-də Kəpəz Rayon Hərbi Komissarlığı tərəfindən həqiqi hərbi   xidmətə çağırılmışdır. 812 saylı hərbi hissənin tərkibində əvvəl Ağdərə və Ağdam bölgələrində vuruşmuş, sonra isə Tovuz rayonunun Əlibəyli kəndinin müdafiəsində iştirak etmişdi. Dəfələrlə düşmənlə qeyri-bərabər döyüşlərdə olmuşdur. Amma hünərlə özünü də, döyüş dostlarını da düşməndən qoruya bilmişdir. Böyük uğurlar qazanan Elşən dəfələrlə hərbi hissə komandiri tərəfindən qiymətli mükafatlarla təltif olunmuşdur. Tovuzun müdafiəsində, «Sulu» döyüşlərində, Ağdam, Muncuqlu uğrunda gedən döyüşlərdə qəhrəmanlıq göstərmişdir. Elşən Sadiq oğlu Tağıyev 1995-ci il martın 4-də ağır döyüşlərdən birində şəhid olmuşdur. İgid döyüşçünün meyitini tapmaq mümkün olmamışdır.