Şəhidlərimiz — I Qarabağ Müharibəsi

Şirinov Teymur İngilis oğlu 11 noyabr 1965-ci il tarixdə Gəncə şəhərində anadan olmuşdur. O, 30 saylı orta məktəbin 9-cu sinifini bitirdikdən sonra təhsilini texniki-peşə məktəbində davam etdirmiş və çilingər sənətinə yiyələnmişdir. Teymur Şirinov 1983-cü ildə həqiqi hərbi xidmətə çağırılmış, 1985-ci ilə qədər Xabarovski şəhərində hərbi xidmət keçmişdir. Hərbi xidmətdən qayıtdıqdan sonra bir müddət peşəsinə uyğun çilingər kimi işləmişdir. O, 20 iyul 1993-cü il tarixdə Kəpəz Rayon Hərbi Komissarlığı tərəfindən könüllü olaraq cəbhəyə yollanmış, 181 saylı hərbi hissənin tərkibində xidmət edib bir neçə döyüş tapşırıqlarında iştirak etmiş, Fizuli rayonunun müdafiəsində böyük igidlik göstərmişdir. Şirinov Teymur İngilis oğlu 1 iyul 1994-cü il tarixdə Fizuli rayonunun Maxrızlı kəndi uğrunda gedən döyüşlərdə itkin düşmüş, Kəpəz Rayon Məhkəməsi tərəfindən 2-792001 nömrəli qətnaməyə əsasən ölmüş elan edilmişdir