Şəhidlərimiz — I Qarabağ Müharibəsi

Mehdi Şadiyev 1972-ci il may ayının 5-də Gəncə şəhərində fəhlə ailəsində anadan olmuşdur. Uşaq ikən atası Namaz kişi vəfat etmişdi.1989-cu ildə 24 saylı orta  məktəbi bitirmişdir. Sonra sürücülük kurslarında oxumuşdur. Mehdi Şadiyev 1990-1992-ci illərdə Almaniyada həqiqi hərbi xidmətdə olmuşdur. Erməni  qəsbkarlarının Azərbaycan torpaqlarına işğalçı   hücumları zamanı hərbidən yenicə qayıdan Mehdi  könüllü surətdə milli orduya yazılmışdı. Tərtər, Ağdərə istiqamətində gedən döyüşlərdə fədakarlıq göstərmişdi. Bir neçə kəndin müdafiəsində böyük igidliklə döyüşmüşdü. Döyüş yolu qısa olsa da, Mehdinin unudulmaz xidməti olmuşdur.

Mehdi Namaz oğlu Şadiyev 1993-cü il fevral ayının 5-də 3 nəfəri mühasirədən xilas edəndən sonra itkin düşmüşdür. Oxuduğu 24 saylı orta məktəbdə şəkli vurulmuşdur.