Şəhidlərimiz — I Qarabağ Müharibəsi

Süleymanov Tofiq Süleyman oğlu 31 avqust 1967-ci ildə Gədəbəy rayonunun Novoivanovka kəndində anadan olmuşdur. O, 1984-cü ildə Gədəbəy rayon Novoivanovka kənd orta məktəbini bitirdikdən sonra 1985-ci ildə həqiqi hərbi xidmətə çağırılmış, 1985-ci ildən 1987-ci ilə kimi Almaniya Demokratik Respublikasında xidmət etmişdir. O, xidməti dövründə nümunəvi əsgər kimi bir çox medallarla təltif oliunmuşdur. Tofiq Süleymanov xidməti başa vurub vətənə qayıtdıqdan sonra Gədəbəy Rayon Komissarlığının göndərişi ilə 24 oktyabr 1989-cu ildə yenidən cəbhəyə yollanmış, Gəncə şəhər 708 saylı hərbi hissənin tərkibində xidmət etməyə başlamışdır. O, 1989-cu ildən 1991-ci ilə kimi baş çavuş aviomexanik vəzifəsində çalışmışdır. 1990-cı ildə ailə qurmuş, bir övladı dünyaya gəlmişdir. Tofiq Süleymanov 1992-ci ildən etibarən 730 saylı hərbi hissənin tərkibində bütün döyüşlərdə yaxından iştirak etmiş, komandirləri tərəfindən ona verilmiş döyüş tapşırıqlarını layiqli və vaxtında yerinə yetirmişdir. Tofiq Süleymanov 5 noyabr 1993-cü ildən 171 saylı hərbi hissənin tərkibində 2-ci Motoatıcı taborunun minaatan batareyasının komandiri vəzifəsində çalışmışdır. Süleymanov Tofiq Süleyman oğlu 25 mart 1994-cü il tarixdə Gədəbəy rayonunun Şınıx bölgəsində döyüş tapşırığını yerinə yetirən zaman qəhrəmancasına şəhid olmuş və yaşadığı Novoivanovka kəndində dəfn olunmşdur.