Şəhidlərimiz — I Qarabağ Müharibəsi

Süleymanov Nazim Nəcəf oğlu 31 dekabr 1963-cü ildə Göyçə mahalının Sarıyaqublu kəndində anadan olmuşdur, Sarıyaqublu kənd orta məktəbini bitirdikdən sonra 1981-ci ildə həqiqi hərbi xidmətə çağırılmış, sovet ordusu sıralarında xidmət etdikdən sonra 1983-cü ildə geri qayıtmış və ailəsi ilə birlikdə məlum hadisələrlə əlaqədar olaraq Gəncə şəhərinə gəlmişlər. Nazim Süleymanov Alüminium zavodunda çilingər vəzifəsində işləmişdir. O, 1 noyabr 1993-cü ildə Kəpəz Rayon Hərbi Komissarlığı tərəfindən əsgərliyə çağırılmış, 703 saylı hərbi hissənin tərkibində vuruşmuşdur. Döyüş bacarığı ilə fərqlənən Nazim Süleymanov şəxsi heyətin hörmətini qazanmışdır. Süleymanov Nazim Nəcəf oğlu 7 yanvar 1994-cü ildə Ağdərə uğrunda gedən qızğın döyüşlərin birində qəhrəmancasına şəhid olmuşdur.