Şəhidlərimiz — I Qarabağ Müharibəsi

Süleymanov Şahin Firuddin oğlu 06 avqust 1975-ci ildə Gəncə şəhərində anadan olmuşdur. 25 saylı orta məktəbi bitirdikdən sonra könüllü surətdə cəbhəyə yollanmış, Çaykənd, Sarısu kəndləri istiqamətində vuruşmuşdur. Şahin Süleymanov 1 iyul 1993-cü ildə Kəpəz Rayon Hərbi Komissarlığı tərəfindən səfərbərliyə alınmışdır. O, 709 saylı hərbi hissənin tərkibində snayperçi kimi xidmət göstərməyə başlamışdır. Döyüş yoldaşlarının bildirdiklərinə görə, Şahin Süleymanov bir göz qırpımında erməni quldurlarını məhv etməyi bacaran snayperçi olmuş, «onun gözündən tük də yayınmazdı». Süleymanov Şahin Firuddin oğlu 1 avqust 1993-cü ildə minaya düşərək həlak olmuşdu. Meyiti ailə üzvlərinə verilmiş və 1 avqust 1993-cü ildə Gəncə şəhəri Şəhidlər Xiyabanında dəfn olunmuşdur.