Şəhidlərimiz — I Qarabağ Müharibəsi

Səttarzadə Bahadur Barat oğlu 1964-cü il dekabrın 22-də Gəncə şəhərində anadan olmuşdur. Orta təhsilini 4 saylı orta məktəbdə almışdır.  1979-cu ildə texniki-peşə məktəbini fərqlənmə diplomu ilə bitirmişdir. Texniki peşə məktəbini bitirdikdən sonra bir müddət Həştərxan şəhərində işləmişdir.

Bahadur Səttarzadə 1984-cü ildə ailə həyatı qurmuşdur, ekiz oğlu dünyaya gəlmişdi. Əlinin zəhməti ilə kasıb ailəsini dolandıran Bahadur hələ uşaqlıqdan erməniləri görən gözü yox idi. Bahadur Səttarzadə 1991-ci ildə Vətənə qayıdaraq könüllü surətdə cəbhəyə yollanmışdı. İlk döyüş əməliyyatına Ağdərə bölgəsində başlamışdı. Sonra Todan, Sarısu, Tərtər ətrafında vuruşmuşdu. Erməni qəsbkarlarına qarşı hazırlanan bir neçə hərbi əməliyyatlarda yaxından iştirak etmişdi. Tərtərin bir neçə kəndinin müdafiəsində böyük qəhrəmanlıq göstərmişdi.

Bahadurun son döyüşü 1992-ci il fevralın 21-də Marquşevan kəndində olmuşdur. Məzarı Gəncə Şəhidlər Xiyabanındadır.