Şəhidlərimiz — I Qarabağ Müharibəsi

Səlimov Rəfail İlyas oğlu 12 may 1970-ci ildə Xankəndi şəhərinin Kərkicahan qəsəbəsində anadan olmuşdur. S.Vurğun adına 6 saylı orta məktəbi bitirdikdən sonra 1988-1990-cı illərdə Krasnayarsk şəhərində həqiqi hərbi xidmətdə olmuşdur. Rəfail Səlimov 1993-cü ildə Şuşa Rayon Polis Şöbəsinə daxil olaraq serjant kimi işləməyə başlamışdır. 5 yanvar 1994-cü ildə erməni faşistlərinin Ağdərəyə hücumunun qarşısının alınmasında böyük igidlik göstərmiş, döyüş yoldaşlarını dəfələrlə mühasirədən azad etmiş, həmçinin istifadə etdiyi odlu silahla bir neçə erməni də öldürmüşdür. Səlimov Rəfail İlyas oğlu xidməti vəzifəsini yerinə yetirən zaman Ağdərə rayonunda həlak olmuş, 6 yanvar 1994-cü ildə Gəncə şəhər Şəhidlər Xiyabanında dəfn olunmuşdu.