Şəhidlərimiz — I Qarabağ Müharibəsi

Alıyev Vaqif Sərdar oğlu 25 may 1966-cı ildə Gədəbəy rayonunun Keşişkənd kəndində anadan olmuş, orta məktəbi bitirdikdən sonra 1984-cü ildə ildə Perm şəhərində hərbi xidmət keçmiş, xidmət müddəti qurtardıqdan sonra da 9 ilə yaxın orada baş gizir kimi işləmişdir. Vaqif Alıyev 1990-cı ildə ailə qurmuş, bir qız övladı dünyaya gəlmişdir. O, 1992-ci ilin iyun ayında Gəncə şəhərinə gəldikdən sonra Daxili Qoşunların 5477 saylı (indiki 17072 saylı) hərbi hissəsində baş gizir rütbəsi ilə hərbi fəaliyyətini davam etdirmişdir. O, 1992-ci ilin sentyabr ayında Gəncə batalyonu adlanan 5477 saylı hərbi hissənin tərkibində Ağdərəyə yollanmış, ağır döyüş əməliyyatlarında layiqli iştirak etmişdir. Alıyev Vaqif Sərdar oğlu 29 sentyabr 1992-ci ildə Ağdərə rayonunun Sırxavənd kəndində döyüş əməliyyatı yerinə yetirərkən itkin düşmüşdür. Kəpəz Rayon Məhkəməsinin 2-2152001 nömrəli qətnaməsi ilə ölmüş elan edilmişdir.