Şəhidlərimiz — I Qarabağ Müharibəsi

Sepxan Sepxanov 1964-cü il iyunun 6-da Gəncə şəhərində anadan olmuşdur. Uşaq ikən səngərdə döyüşə can atan Sepxan kasıb bir ailədə böyümüşdü. Sepxan 1981-ci ildə 1 saylı orta məktəbi bitirmişdir. Orta məktəbi əla qiymətlərlə bitirən Sepxan dəfələrlə riyaziyyat olimpiadalarının iştirakçısı olmuşdur. Sürücülük peşəsinə yiyələnmişdi.

1982-1984-cü illərdə Xabarovskdə hərbi xidmətdə olan Sepxan qayıdandan sonra Avtomexanika Texnikumuna daxil olmuşdur. Bir müddət Gəncə Avtomobil Birliyində işləmişdi.

Sepxan Sepxanov 1992-ci il fevralın 26-da törədilən Xocalı faciəsindən sonra könüllü olaraq cəbhəyə yollanmışdı. 264 saylı hərbi hissənin tərkibində tağım komandirinin müavini kimi Şuşada, Ağdamın Gülablı kəndindəki  döyüşlərdə olmuşdur. Bir neçə kəndin müdafiəsindəki göstərdiyi şücaətə görə hərbi hissə komandiri tərəfindən dəfələrlə mükafatlandırılmışdı. Ağdamın Gülablı kəndi uğrunda göstərdiyi xidmətə görə 1992-ci il iyulun 5-də hərbi hissə komandiri tərəfindən 5 günlük məzuniyyət vərəqəsi ilə təltif olunmuşdur.

Sepxan Namaz oğlu Sepxanov 1992-ci il  avqust ayının 15-də iki nəfər yaralını xilas edərkən qəfil düşmən gülləsinə tuş gəlmişdir. Dəfn olunduğu yer bəlli deyil.