Şəhidlərimiz — I Qarabağ Müharibəsi

Salmanov Nizami Arif oğlu 24 noyabr 1964-cü ildə Gəncə şəhərində anadan olmuşdur. O, orta məktəbi bitirdikdən sonra Gəncə Dövlət Pedaqoji İnstitutuna daxil olmuş və ali məktəbi bitirdikdən sonra təyinatla Quba rayonunda dərs deməyə yollanmışdır. Nizami Salmanov Azərbaycanın başı üzərini qara buludlar alanda 1992-ci ilin mart ayında könüllü olaraq cəbhəyə yollanmışdır, 708 saylı hərbi hissənin tərkibində tank komandiri vəzifəsində xidmət göstərmişdir. Nizami Salmanov döyüşçü şair kimi tanınmış, yazdığı şerlər bir neçə kitablarda çap edilmişdir. Salmanov Nizami Arif oğlu 16 iyun 1992-ci ildə şəhid olmuş, ölümündən sonra Yazıçılar Birliyinin üzvlüyünə qəbul edilmiş. «Son dua» adlı şerlər kitabı çap olunmuşdur. Şəhidin ruhuna hörmət əlaməti olaraq Gəncə şəhərində yerləşən 18 saylı orta məktəb hazırda onun adını daşıyır.