Şəhidlərimiz — I Qarabağ Müharibəsi

Şakir Sadıqov 1972- ci il sentyabrın 7-də anadan olmuşdur. Kasıb bir ailədə böyüyən Şakir çox bacarıqlı və savadlı bir gənc idi. 27 saylı texniki-peşə  məktəbin bitirmişdir.  Çilingər ixtisasına yiyələnmişdi. Ən yaxın dostu Vüqar Rzayevlə təxminən eyni vaxtda həqiqi hərbi xidmətə  çağırılmışdı. Sədaqətli dost idilər. Bir yerdə vuruşurdular. Ən çətin anlarda əsil gəncəli xarakterini göstərirdilər. bir-birinə arxa, həyan idilər. Evə məktub göndərəndə mütləq o biri dostunun ailəsini də yad edərdilər. Şakir Sadıqov 1994-cü il fevralın 16-da Göytəpə yüksəkliyində gedən qanlı döyüşlərin birində dostu Vüqarı xilas edərkən düşmən gülləsinə tuş gələrək şəhid olmuşdu. Gəncənin Şəhidlər Xiyabanındakı məzarlıqda dostu ilə yan-yana dəfn olunmuşdur.