Şəhidlərimiz — I Qarabağ Müharibəsi

Ağayev Anar Şamil oğlu 1977-ci il sentyabr ayının 23-də fəhlə ailəsində anadan olmuşdur. O, orta təhsilini Gəncə şəhər 16 saylı orta məktəbdə almışdır. Orta məktəbi bitirdikdən sonra 1995-ci ildə Anar Ağayev Nizami Rayon Hərbi Komissarlığı tərəfindən ordu sıralarına çağırılmışdır. Naxçıvanda 940 saylı hərbi hissədə xidmət etmişdir. Cəmi ay yarım döyüş yolu keçməsinə baxmayaraq komandirləri tərəfindən böyük rəğbət qazanan Ağayev ona verilən əmr və tapşırıqları son dərəcə dəqiqliklə yerinə yetirirdi. Ağır gedən döyüşlərin birində Anar böyük fədakarlıq göstərmiş, dəstənin 5 üzvünü düşmən mühasirəsindən xilas etmiş, lakin 1996-cı il avqustun 30-da sol qolundan yaralanmışdır. 19 yaşını xəstəxanada qeyd edən Anar Şamil oğlu Ağayev oktyabr ayının 13-də şəhidlik zirvəsinə ucalmışdı. Anar Ağayevin cənazəsi hörmətlə, izzətlə doğma Gəncəyə gətirilərək Şəhidlər Xiyabanında dəfn edilmişdir.