Şəhidlərimiz — I Qarabağ Müharibəsi

Rəhmanov Vaqif Talıb oğlu 3 noyabr 1971-ci ildə Tovuz rayonunda anadan olmuşdur. O, Tovuz rayonunda orta məktəbi bitirdikdən sonra 1989-cu ildə həqiqi hərbi xidmətə çağırılmış və Ukrayna Respublikasının Kiyev şəhərində hərbi xidmətdə olmuşdur. 13 yanvar 1993-cü ildə ermənilərin xalqımıza qarşı törətdikləri qanlı hadisələrə dözə bilməyən Vaqif Rəhmanov digər qeyrətli oğullarımız kimi könüllü olaraq cəbhəyə yollanmışdır. O, Murov dağında böyük igidlik göstərmiş, ermənilərin mühüm hücum obyektlərini məhv etmiş, ermənilərin silahlı qüvvələrinə sarsılmaz zərbələr endirmişdir.
Rəhmanov Vaqif Talıb oğlu 25 yanvar 1993-cü ildə Murov dağında gedən qızğın döyüşlərin birində qəhrəmancasına həlak olmuş, cənazəsi Tovuz rayonuna aparılaraq orada dəfn olunmuş və şəhidin ruhuna hörmət əlaməti olaraq Tovuz rayonunun Pələngli kənd orta məktəbinə onun adı verilmişdir.