Şəhidlərimiz — I Qarabağ Müharibəsi

Rəhimov Azər Mirəli oğlu 15 sentyabr 1969-cu ildə Qərbi Azərbaycanın Vardenis rayonunda anadan olmuşdur. Orta məktəbi bitirdikdən sonra 1987-ci ildə həqiqi hərbi xidmətə çağırılmış və Sibirdə xidmət etmişdir. Baş vermiş məlum hadisələrlə əlaqədar olaraq Azər Rəhimovun ailəsi Gəncə şəhərinə köçmüşdür. 1989-cu ildə Azər hərbidən qayıtdıqdan sonra Gəncə şəhərinə qayıtmış, Gəncə şəhəri Gil-Torpaq İstehsalat Birliyində fəhlə kimi əmək fəaliyyətinə başlamışdır. Azər Rəhimov 5 mart 1992-ci ildə könüllü olaraq cəbhəyə yollanmış, 181 saylı hərbi hissənin tərkibində Şuşanın Kosalar kəndində ermənilərə qarşı böyük şücaət göstərmişdir. Mart ayının ortalarında  döyüş zamanı Azər Rəhimov yaralansa da hərbi hospitalda müalicə olunduqdan sonra yenidən silaha sarılaraq cəbhəyə yollanmışdır. Milli orduya məxsus tankı idarə edər həmyerlimiz dəfələrlə düşmənin zirehli texnikasını məhv etmiş, Laçın, Ağdam və Murovun müdafiəsində böyük igidlik göstərmişdir. Ağdam rayonunun müdafiəsi uğrunda gedən qızğın döyüşlərdə Rəhimov Azər Mirəli oğlu 27 iyul 1993-cü ildə itkin düşmüşdür.