Şəhidlərimiz — I Qarabağ Müharibəsi

Ağalarov Vahid Zahid oğlu 1 oktyabr 1989-cu ildə Gəncə şəhərində anadan olmuşdur. O, 2007-ci ildə 34 saylı orta məktəbi bitirmişdir. Vahid Ağalarovun idmana böyük həvəsi olmuşdur. O, 6 yaşından əvvəlcə 2 saylı Uşaq Gənclər İdman Məktəbində boksla, 12 yaşından isə Idman Məktəbində ağır atletika ilə məşğul olmuşdur. Vahid Ağalarov orta məktəbi bitirdikdən sonra Moskva Dövlət Universitetinin filalogiya fakültəsinə sənədlərini versə də universitetə qəbul ola bilməmiş, 10 yanvar 2008-ci ildə Kəpəz Rayon Hərbi Komissarlığı tərəfindən həqiqi hərbi xidmətə çağırılmış, Beyləqan rayonunun Harami düzündə yerləşən 181 saylı hərbi hissədə baş çavuş kimi xidmət göstərməyə başlamışdır. Ağalarov Vahid Zahid oğlu 20 noyabr 2008-ci ildə snayper gülləsi ilə başından vurulmuşdur. 21 noyabr 2008-ci ildə igid həmyerlimizini meyiti Gəncə şəhərinə gətirilərək 22 noyabr 2008-ci ildə Şəhidlər Xiyabanında dəfn olunmuşdur. Hazırda şəhidin ruhuna hörmət əlaməti olaraq 2011-ci ilin mart ayından etibarən Gəncə şəhəri Sevinc qəsəbəsində yerləşən küçələrdən biri onun adını daşıyır.