Şəhidlərimiz — I Qarabağ Müharibəsi

İlham Rəhimov 1972-ci il fevralın 26-da Gəncə şəhərində anadan olmuşdur. Orta təhsilini 29 saylı orta məktəbdə almışdır. Həmin məktəbin 8-ci sinfini bitirdikdən sonra Gəncə Toxuculuq Kombinatında işə girmişdir. Çox gözəl nağara çalırdı. Uşaqlıqdan klassik güləş növü ilə məşğul olan İlham dəfələrlə şəhər üzrə keçirilən yarışlarda iştirak etmiş və yüksək kürsülərə layiq görülmüşdü. İlham rəhimov 1990-1992-ci illərdə Moskva vilayətinin Kirov şəhərində həqiqi hərbi xidmətdə olmuşdur.

1992-ci ildə hərbi xidmətdən qayıdan İlham könüllü olaraq Qarabağ cəbhəsinə yollanmışdı. İlk döyüşü Ağdamdan başlamışdı. Əvvəlcə Ağdərə rayonunun Leninavan, Çıldıran kəndlərində vuruşmuşdu. Döyüş dostları deyirlər ki, İlham qorxubilməz oğul idi, düşmənin başına ad ələyirdi. İlham Rəhimov yüksək döyüş qabiliyyətinə görə dəfələrlə komandanlıq tərəfindən qiymətli mükafatlarla  təltif olunmuşdur.

İlham Kaloğlan oğlu Rəhimov 1993-cü il martın 28-də Ağdərə bölgəsində şəhidlik zirvəsinə ucalmışdır. Martın 30-da Gəncə Şəhidlər Xiyabanında dəfn olunmuşdur.