Şəhidlərimiz — I Qarabağ Müharibəsi

Pirverdiyev Rövşən Valeh oğlu 22 aprel 1972-ci ildə Gəncə şəhərində anadan olmuşdur. 30 nömrəli orta məktəbin 8-ci sinfini bitirdikdən sonra təhsilini 15 saylı peşə məktəbində davam etdirmiş və sürücülük peşəsinə yiyələnmişdir. Rövşən Pirverdiyev 1990-ci ildə həqiqi hərbi xidmətə çağırılmış, iki il Kalininqrad şəhərində xidmət etdikdən sonra Azərbaycana gəlmişdir. O, 1993-cü ilin yayında öz istəyi ilə Kəpəz Rayon Hərbi Komissarlığı tərəfindən cəbhəyə yollanmış, Füzuli rayonu ərazisində yerləşən 702 saylı hərbi hissənin tərkibində vuruşmuş, dəfələrlə erməni silahlı qüvvələrinə sarsıdıcı zərbələr endirmişdir. Pirverdiyev Rövşən Valeh oğlu 2 avqust 1994-cü ildə qəhrəmancasına həlak olmuş, 4 avqust 1994-cü ildə babasının xahişi ilə Gədəbəy rayonunun Zəhmət kəndində dəfn olunmuşdur.