Şəhidlərimiz — I Qarabağ Müharibəsi

Pənahov Elçin Xəqani oğlu 3 mart 1991-ci ildə Gəncə şəhərində anadan olmuşdur. O, 2006-cı ildə Gəncə şəhəri 26 saylı dəmir yol orta məktəbinin 9-cu sinfini bitirdikdən sonra təhsilini 1 saylı peşə lisey məktəbində davam etdirmiş və 28 aprel 2009-cu ildə peşə lisey məktəbini bitirərək həqiqi hərbi xidmətə çağrılmışdır. O, Beyləqan rayonu ərazisində yerləşən 181 saylı hərbi hissənin Qaradağlı kəndində yerləşən bölüyündə mina axtaran vəzifəsində hərbi xidmətə başlamışdır. Pənahov Elçin Xəqani oğlu 25 may 2010-cu ildə Xocavənddə döyüş tapşırığını yerinə yetirərkən minaya düşüb həlak olmuş, meyiti may ayının 26-da valideynlərinə verilmiş və Goranboy rayonunun Qarapirimli kəndində dəfn olunmuşdur. Elçin Pənahov idmançı olmuş, cüdo, boks üzrə dəfələrlə şəhər üzrə keçirilən yarışların qalibi olmuşdur.