Şəhidlərimiz — I Qarabağ Müharibəsi

Paşayev Müşfiq Teymur oğlu 25 may 1973-cü ildə Gəncə şəhərində ziyalı ailəsində anadan olmuşdur. O, əvvəlcə 24 saylı orta məktəbdə oxumuş, sonra isə təhsilini 15 saylı orta məktəbdə davam etdirmişdir. Müşfiq Paşayev 1 iyun 1991-ci ildə Kəpəz Rayon Hərbi Komissarlığı tərəfindən həqiqi hərbi xidmətə çağırılmış, polis batalyonu sayılan 5477 saylı hərbi hissədə xidmət etməyə başlamışdır. Müşfiq Paşayev tez bir zamanda şəxsi heyətin böyük hörmətini qazanmış, mərdliklə döyüş zamanı həmişə öndə getmiş, dəfələrlə əsgər yoldaşlarını mühasirədən azad etmişdir. Paşayev Müşfiq Teymur oğlu 19 iyul 1992-ci ildə Aterk kəndi uğrunda gedən döyüşlərdə itkin düşmüş, Kəpəz Rayon Məhkəməsinin 2-4241999 nömrəli qətnaməsi ilə ölmüş elan edilmişdir.