Şəhidlərimiz — I Qarabağ Müharibəsi

Adıgözəlov Müşfiq Həsən oğlu 05 yanvar 1972-ci il tarixdə Göygöl rayonunda anadan olmuşdur. 16 saylı texniki-peşə məktəbini bitirmişdir. Qarabağdan gələn acı xəbərlər Müşfiq Adıgözəlovu sarsıtmış, o, 1992-ci ildə Nizami Rayon Hərbi Komissarlığı tərəfindən hərbi xidmətə çağırılmışdır. 708 saylı hərbi hissənin tərkibində vuruşmuş, göstərdiyi igidliyinə görə şəxsi heyətin böyük hörmətini qazanmışdır. O, ilk dəfə düşmənlə Ağdam cəbhəsində üz-üzə gəlmiş, Fərrux dağında gedən döyüşlərdə öz gücünü göstərmişdir. Müşfiq Adıgözəlov bundan sonra daha bir neçə dəfə döyüş əməliyyatlarında öz vətəndaşlıq borcunu şərəflə yerinə yetirmişdir. Adıgözəlov Müşfiq Həsən oğlu 28 yanvar 1993-cü il tarixdə Fərrux dağında gedən ağır döyüşlərin birində həlak olmuş və onun meyiti Gəncə şəhərinə gətirilərək Şəhidlər Xiyabanında dəfn edilmişdir.