Şəhidlərimiz — I Qarabağ Müharibəsi

Orucov Elxan Yusif oğlu 6 sentyabr 1963-cü ildə Gəncə şəhərində anadan olmuşdur, Gəncə şəhəri 44 saylı orta məktəbi bitirdikdən sonra Dnepropetrovsk şəhərində Dağ Mühəndisliyi İnstitutunun «Geoloji kəşfiyyat» fakültəsində təhsilini davam etdirmişdir. Elxan Orucov ali məktəbi bitirdikdən sonra həqiqi hərbi xidmətə çağırılmışdır, Sverdlovsk şəhərində hərbi xidmətdə olarkən rabitəçi peşəsinə yiyələnmiş və 1990-cı ildə Gəncə şəhərinə qayıtmışdır. Elxan Orucov 1992-ci ilin fevral ayında könüllü olaraq Milli Orduya yazılmış, kəşfiyyat bölüyünün tərkibində Goranboy, Sarısu əməliyyatlarında uğurla iştirak etmişdir. Orucov Elxan Yusif oğlu 19 iyun 1992-ci ildə Fərruxdağı uğrunda gedən döyüşlərdə qəhrəmancasına həlak olmuşdur.