Şəhidlərimiz — I Qarabağ Müharibəsi

Nəsrullayev Yaşar Vəli oğlu 5 may 1969-cu ildə Qərbi Azərbaycanın Amasiya rayonunun Təpəkənd kəndində anadan olmuşdur. O, orta məktəbi bitirdikdən sonra 1987-ci ildə həqiqi hərbi xidmətə çağırılmış, Komi Respublikasının sərhəd qoşunlarında xidmət etmiş və 1989-cu ildə vətənə qayıtmışdır. Yaşar Nəsrullayev hərbi xidmətdən qayıtdıqdan sonra fərdi əməklə məşğul olub ailəsini dolandırmışdır. Yaşar Nəsrullayev 10 avqust 1992-ci ildə Kəpəz Rayon Hərbi Komissarlığı tərəfindən səfərbərliyə alınmış, 798 saylı hərbi hissənin tərkibində Ağdam, Kəlbəcər rayonlarının müdafiəsi uğrunda gedən döyüşlərdə iştirak etmşdir. Nəsrullayev Yaşar Vəli oğlu 1 oktyabr 1992-ci ildə Ağdam rayonunun müdafiəsi uğrunda gedən ağır döyüşlərin birində həlak olmuş, meyiti 2 okyabr 1992-ci ildə Gəncə şəhərinə gətirilərək Şəhidlər Xiyabanında dəfn olunmuşdur.