Şəhidlərimiz — I Qarabağ Müharibəsi

Nəsibov Bavış Bayram oğlu 26 sentyabr 1966-cı ildə Goranboy rayonunun Todan kəndində anadan olmuşdur. O, Todan kənd orta məktəbini bitiirdikdən sonra 1984-cü ildə həqiqi hərbi xidmətə çağırılmış və Sibirdə gizir rütbəsi ilə hərbi xidmətdə olmuşdur. O, hərbi xidmətdən qayıtdıqdan sonra Gəncə şəhərinə köçmüş, burada ailə həyatı qurmuş və 3 qız övladı dünyaya gəlmişdir. Bavış Nəsibov bir müddət Gəncə şəhərində yerləşən «Büllur», «Çini qablar» zavodlarında əmək fəaliyyəti ilə məşğul olmuşdur. Erməni təcavüzkarlarının Azərbaycana torpaq iddiaları baş qaldıranda Bavış Nəsibov evində rahat dayana bilməmiş, könüllü olaraq silaha sarılaraq cəbhəyə yollanmışdır. O, erməni işğalçılarına qarşı əvvəlcə Ağdamda, sonra isə Füzuli rayonları ərazisində vuruşmuşdur. Nəsibov Bavış Bayram oğlunun sonuncu döyüşü Füzuli rayonunda olmuş, 5 may 1993-cü il tarixdə ermənilərə qarşı uğurlu döyüş əməliyyatında iştirak edən zaman minaya düşərək həlak olmuş və Goranboy rayonunun Todan kəndində dəfn olunmuşdur.