Şəhidlərimiz — I Qarabağ Müharibəsi

Abutalıbov Şirvani Pirqələm oğlu 21 may 1971-ci ildə Qərbi Azərbaycanın Amasiya rayonunda anadan olmuşdur. Məlum hadisələrlə əlaqədar olaraq o, ailəsi ilə birlikdə 1988-ci ildə Gəncə şəhərinə pənah gətirmişlər. Şirvani Abutalıbov 1989-1991-ci illərdə Xabarovsk şəhərində həqiqi hərbi xidmətdə olmuşdur. O, əsgərlikdən qayıtdıqdan sonra Qarabağ uğrunda gedən döyüşlərə atılmış, 5 may 1992-ci ildə öz istəyi ilə Kəpəz Rayon Hərbi Komissarlığı tərəfindən Xanlar özünümüdafiə batolyonuna yazılmış, 825 saylı hərbi hissənin tərkibində Todan və Sarısu döyüşlərində iştrak etmişdir. 6 sentyabr 1992-ci ildə Füzuli rayonunun Haçagədik yüksəkliyi uğrunda qızğın döyüşdə böyük şücaət göstərmiş, qəfildən erməni səngərinə atılaraq ətrafa od saçan pulemyotu susdurmuşdur. Xüsusi strateji əhəməyyəti olan Haçagədik yüksəkliyini ələ keçirsə də özü həmin döyüşdə qəhrəmancasına həlak olmuşdur.