Şəhidlərimiz — I Qarabağ Müharibəsi

Nəbiyev Firdovsi Adil oğlu 12 avqust 1969-cu ildə Gəncə şəhərində anadan olmuşdur. O, 1976-cı ildə  29 saylı orta məktəbin 1-ci sinfinə getmiş, 1984-cü ildə həmin məktəbin 8-ci sinfini bitirib 9№-li peşə məktəbinə daxil olmuş və 1987-ci ildə həmin  məktəbi bitirmişdir. Firdovsi Nəbiyev 1987-ci ildən 1989-cu ilə kimi Moskva vilayətinin Rentov-5 şəhərinin 01612 «b» hissəsində hərbi xidmətdə olmuşdur. O, hərbi xidmətdən qayıtdıqdan sonra 1993-cü ilə kimi Gəncə Cihazqayırma zavodunda qaynaqçı vəzifəsində, 1993-cü ildə isə əmək fəaliyyətini Gəncə Yağ-piy kobinatında qaynaqçı kimi davam etdirmişdir. Firdovsi Nəbiyev 1993-cü ilin oktyabr ayında Respublika Prezidentinin xalqa müraciətindən sonra vətənin müdafiəsinə qatılaraq silaha sarılıb könüllü olaraq cəbhəyə yollanmışdır. O, Ağdərə rayonunun Papravənd kəndində 703 saylı hərbi hissənin 2-ci batalyonunun 3-cü rotasında faşist ermənilərinə qarşı vuruşmuşdur. Nəbiyev Firdovsi Adil oğlu 16 aprel 1994-cü ildə Ağdərə rayonu ərazisində döyüş tapşırığını yerinə yetirərkən itkin düşmüşdür.