Şəhidlərimiz — I Qarabağ Müharibəsi

Nəbiyev Aydın Bayram oğlu 4 fevral 1970-ci ildə Gədəbəy rayonunun Daryurd kəndində anadan olmuşdur. 1987-ci ildə Daryurd kənd orta məktəbini bitirdikdən sonra həqiqi hərbi xidmətə çağırılmış və 1988-1990-cı illərdə Sovet ordusu sıralarında xidmət etmişdir. O, hərbi xidmətdən qayıtdıqdan sonra Gəncə şəhər Alüminium zavodunda əmək fəaliyyətinə başlamışdır. Erməni işğalçılarının torpaqlarımıza təcavüzü zamanı hamı kimi Aydın da vətənimizin müdafiəsinə qalxmış, 1993-cü ilin fevralında ordu sıralarına daxil olmuş, 709 saylı hərbi hissənin tərkibində Qazax, Ağdərə və Ağdam bölgələrində erməni işğalçılarına qarşı fədakarlıqla vuruşmuşdur. Nəbiyev Aydın Bayram oğlu 16 avqust 1993-cü ildə Ağdam rayonu uğrunda gedən döyüşdə qəfil düşmən gülləsinə tuş gələrək həyatını itirmişdir.