Şəhidlərimiz — I Qarabağ Müharibəsi

Aydın Nağıyev 1971-ci il iyulun 30-da Gəncə  şəhərində anadan olmuşdur.  4 saylı orta məktəbdə təhsil almışdır. Sonra  9 saylı texniki-peşə  məktəbini bitirmişdir. Aydın Nağıyev 1989-cu ildə həqiqi hərbi xidmətə çağırılmış, Bakıda 52332 saylı hərbi hissədə xidmət etmişdi. Gənc hərbçi Nağıyev bölük komandiri vəzifəsində xidmət etmişdi. Bir neçə kəndin müdafiəsində qəhrəmanlıq göstərmişdi. Erməni qəsbkarlarına qarşı bir neçə hərbi əməliyyatlarda fəal iştirak etmişdi.

Aydın Nağıyev 1991-ci ildə dostları ilə birlikdə Qubadlı rayonuna döyüş bölgəsinə yollanmışdır. İyun ayının 3-də Aydına çox ciddi tapşırıq verilmişdir. Yuxarı Cicimli zastavasının müdafiəsində böyük qəhrəmanlıq  göstərmişdi. Döyüş tapşırığını mərdliklə yerinə yetirən Aydın sonda vəhşicəsinə öldürülmüşdür.

Aydın Nadir oğlu Nağıyev göstərdiyi hərbi xidmətə görə 1991-ci il noyabrın 28-də «Qırmızı Ulduz» ordeni ilə təltif olunmuşdur. Unudulmaz qəhrəmanın xatirəsi əziz tutularaq Gəncədəki  küçələrdən birinə Aydın Nağıyevin adı verilib. Ailəsi tərəfindən xatirə bulağı düzəldilib.