Şəhidlərimiz — I Qarabağ Müharibəsi

Nağıyev Mahir Məmməd oğlu 25 sentyabr 1972-ci ildə Gəncə şəhərində anadan olmuşdur. 1987-ci ildə Gəncə şəhəri 37 saylı orta məktəbin 8-ci sinfini bitirdikdən sonra 9 saylı texniki-peşə məktəbinə daxil olmuş və 1990-cı ildə həmin məktəbi bitirmişdir. Mahir Nağıyev həqiqi hərbi xidmətə çağırılmış və Sank-Peterburq şəhərində hərbi xidməti başa vurmuşdur. O, hərbidən qayıtdıqdan sonra vətəni qorumaq üçün 1993-cü ildə könüllü olaraq daxili qoşuna qoşulmuş, 709 saylı hərbi hissənin tərkibində Ağdam rayonu uğrunda gedən döyüşlərdə böyük hünər göstərmişdir. Dəfələrlə əsgər yoldaşlarını mühasirədən azad edərək düşmənin silahlı qüvvələrinə sarsılmaz zərbələr endirmişdir. Nağıyev Mahir Məmməd oğlu 7 iyul 1993-cü ildə Ağdam rayonu uğrunda gedən qızğın döyüşdə qəhrəmancasına şəhid olmuşdur.