Şəhidlərimiz — I Qarabağ Müharibəsi

Nağıyev Qabil İsa oğlu 1 mart 1963-cü il tarixdə Gəncə şəhərində anadan olmuşdur. O, Ş.Qurbanov adına 37 saylı orta məktəbin 8-ci sinfini bitirdikdən sonra 37 saylı texniki-peşə məktəbində tornaçı sənətinə yiyələnmişdir. 1982-ci ildə həqiqi hərbi xidmətə çağırılmış, 1984-cü ilə qədər Kemirov vilayətində hərbi xidmət keçmişdir. Hərbi xidmətdən qayıtdıqdan sonra bir müddət müxtəlif emalatxanalarda peşəsinə uyğun tornaçı kimi işləmişdir. Qabil Nağıyev 28 fevral 1992-ci il tarixdə könüllü olaraq cəbhəyə yollanmış, bir neçə döyüş tapşırıqlarında iştirak etmiş, Ağdərənin müdafiəsində böyük igidlik göstərmişdir. Nağıyev Qabil İsa oğlu 7 fevral 1992-ci il tarixdə Çıldıran uğrunda gedən döyüşlərdə qəhrəmancasına həlak olmuş, meyiti Gəncə şəhərinə gətirilmiş və 8 fevral 1992-ci il tarixdə Şəhidlər Xiyabanında dəfn olunmuşdur.