Şəhidlərimiz — I Qarabağ Müharibəsi

Məqsəd Mustafayev 1963-cü ilə sentyabrın 7-də  Gəncə şəhərində anadan olmuşdur. 1969-1980-ci illərdə Göygöl rayon, Balçılı kənd orta məktəbində təhsil almışdır. Kasıb bir ailədə böyüyən Məqsəd uşaq ikən idmanın sambo növü ilə məşğul olurdu. Dəfələrlə respublika turnirlərinin qalibi olmuşdur.  Məqsəd 1981-1983-cü illərdə Qazaxıstanda həqiqi hərbi xidmətdə olmuşdur. Hərbi xidmətdən qayıtdıqdan sonra 1984-cü ildən etibarən Alüminium zavodunda işləmişdir.

1988-ci ildə ailə həyatı qurmuşdur. Vətənin dar günündə məqsəd könüllü olaraq hərbi komissarlığa müraciət etmişdi. 1993-cü ilə oktyabrın 12-də Kəpəz Rayon Hərbi Komissarlığı tərəfindən səfərbərliyə alınmışdı. 703 saylı hərbi hissədə vuruşmuşdu. Layiqli əsgəri xidmətinə görə hərbi hissə komandiri tərəfindən Məqsədin ailəsinə «Təşəkkürnamə» göndərilmişdi.

Məqsəd Calal oğlu Mustafayev 1993-cü il dekabrın 28-də Ağdərə uğrunda gedən döyüşlərdə şəhidlik zirvəsinə ucalmışdır. mərhumun xatirə olaraq əsgər yoldaşları ilə çəkdirdiyi şəkil bu gün də ailəsinin təsəllisidir. Məqsədin bir oğlu  və bir qızı var. Məzarı Balçılı kənd qəbiristanlığındadır.