Şəhidlərimiz — I Qarabağ Müharibəsi

Mustafayev Habil Qənbər oğlu 2 may 1966-cı ildə Göygöl rayonunun Danayeri kəndində anadan olmuşdur. Həmin kənddə orta məktəbi bitirdikdən sonra 1984-cü ildə həqiqi hərbi xidmətə çağırılmış və iki il Altay vilayətinin Barnaul şəhərində xidmətdə olmuşdur. Habil Mustafayev hərbi xidmətdən qayıtdıqdan sonra Qızılca kənd kolxozunda sürücü işləmiş, sonra isə Həştərxana getmişdir. O, 1990-cı ildə ailə qurmuş və iki övladı dünyaya gəlmişdir. Habil Mustafayev Qarabağ uğrunda gedən döyüşlər zamanı vətənə qayıtmış, 18 mart 1992-ci ildə könüllü olaraq silaha sarılaraq cəbhəyə yollanmış və Beyləqan rayonu ərazisində yerləşən 181 saylı hərbi hissənin tərkibində döyüşməyə başlamışdır. O, bir neçə kəndin müdafiəsində qəhrəmancasına döyüşmüşdür. Mustafayev Habil Qənbər oğlu Beyləqan rayonunun müdafiəsi uğrunda gedən ağır döyüşlərin birində 11 dekabr 1993-cü ildə qəhrəmancasına şəhidlik zirvəsinə ucalmışdır.