Şəhidlərimiz — I Qarabağ Müharibəsi

Muradov Mahir Şirxan oğlu 18 iyun 1970-ci ildə Gəncə şəhərində anadan olmuşdur. O, 39 saylı orta məktəbin 1-ci sinfinə getmiş, sonra təhsilini 28 saylı orta məktəbdə davam etdirmişdir. Həmin məktəbin 8-ci sinfini bitirdikdən sonra 1986-cı ildə Gəncə şəhər İnşaat Texnikumuna daxil olmuş və 1988-ci ildə oranı bitirmişdir. Mahir Muradov 1988-ci ildə həqiqi hərbi xidmətə çağırılmış, Amur vilayətinin Bloqoveşensk şəhərində 2 il xidmət keçdikdən sonra Gəncə şəhərinə gəlib 38 №-li texniki-peşə məktəbində usta vəzifəsində əmək fəaliyyətinə başlamışdır. Mahir Muradov 1992-ci il tarixdə Milli Orduda xidmətə çağırılmış, Ağdam, Füzuli rayonlarında erməni işğalçılarına qarşı döyüşmüşdür. Muradov Mahir Şirxan oğlu 23 iyul 1993-cü ildə Ağdam uğrunda gedən döyüşlərdə itkin düşmüşdür. Kəpəz Rayon Məhkəməsinin 16 iyun 2003-cü il tarixli 2-3302007 nömrəli qətnaməsinə əsasən Muradov Mahir Şirxan oğlu itkin düşdüyü, yəni 23 iyul 1993-cü il tarixdən  şəhid elan edilmişdir.