Şəhidlərimiz — I Qarabağ Müharibəsi

Qafqaz Məmmədov 1954-cü il noyabrın 5-də Gəncə şəhərində anadan olmuşdur. Ailənin tək övladı olan Qafqaz çox savadlı, təvazökar, prinsipial bir gənc idi. Orta təhsilini 17 saylı orta məktəbdə almışdır. Politexnik Texnikumunda oxumuşdu. Penza şəhərində həqiqi hərbi xidmətdə olmuşdu. Hərbi xidmətdən qayıtdıqdan sonra 1977-ci ildə ailə həyatı qurmuş, Nigar və İsfəndiyar adlı 2 övladı dünyaya gəlmişdir.

Qafqaz Məmmədovun erməniləri görən gözü yox idi. Erməni faşistlərinin azğınlığına dözə bilməyən Qafqaz 1991-ci ildə könüllü olaraq cəbhəyə getmiş, 703 saylı hərbi hissənin tərkibində vuruşmuşdu. Bir neçə kəndin müdafiəsində böyük qəhrəmanlıq göstərmişdi. tərtər bölgəsində ermənilərə qarşı hazırlanan bir neçə hərbi əməliyyatlarda fəal iştirak etmişdi.

Qafqaz İsfəndiyar oğlu Məmmədov 1993-cü il mayın 2-də Ağdərə rayonunda amansız döyüşlərdən birində şəhidlik zirvəsinə ucalmışdı. Məzarı Gəncə Şəhidlər Xiyabanındadır.