Şəhidlərimiz — I Qarabağ Müharibəsi

Məmmədov Vüsal Vilayət oğlu 11 avqust 1983-cü ildə Gəncə şəhərində anadan olmuşdur. O, 20 saylı orta məktəbi bitirdikdən sonra 2001-ci ildə Azərbaycan Texnologiya Universitetinə daxil olmuşdur. Vüsal Məmmədov həmişə ermənilərə nifrət etmiş, onların xalqımıza qarşı törətdikləri faciələri yada salanda cəbhəyə getməyə can atmışdır. Vüsal Məmmədov 3-cü kursda oxuyarkən universiteti yarımçıq qoyaraq könüllü surətdə hərbi xidmətə yollanmış, 190 saylı hərbi hissənin tərkibində xidmət etməyə başlamışdır. Məmmədov Vüsal Vilayət oğlu 4 iyun 2005-ci ildə Ağdam rayonunda erməni gülləsinə tuş gələrək şəhid olmuş, meyiti 6 iyun 2005-ci ildə Gəncə şəhərinə gətirilərək İmamzadə qəbiristanlığında dəfn olunmuşdur.