Şəhidlərimiz — I Qarabağ Müharibəsi

Məmmədov Ağahəsən Firuddin oğlu 24 oktyabr 1957-ci ildə Gəncə şəhərində anadan olmuşdur. Ağahəsən Məmmədov Gəncə şəhər 4 saylı orta məktəbi əla qiymətlərlə bitirdikdən sonra AKTA-nın mexanikləşmə fakültəsinə daxil olmuşdur. O, 1979-cu ildə ali məktəbi bitirdikdən sonra təyinatla Bakı şəhəri ət kombinatı mexanikləşmə bazasına dispeçer vəzifəsinə göndərilmişdir. Ağahəsən Məmmədov könüllü olaraq SSRİ-nin MN-nə məktub yazaraq sovet ordusu sıralarında xidmət etmək istədiyini bildirmiş, Gürcüstan Respublikasının Kutaisi şəhərində tank diviziyasının bölmə komandiri vəzifəsində hərbidə olmuş, hərbidən qayıtdıqdan sonra isə Şamaxı rayon Komsomol Komitəsinin 2-ci katibi və digər məsul vəzifələrdə işləmişdir.

Ağahəsən Məmmədov Qarabağ uğrunda gedən döyüşlərdə ermənilərin törətdikləri vəhşiliklərə dözə bilməyib Səbail Rayon Hərbi Komissarlığı tərəfindən öz istəyi ilə 19 noyabr 1993-cü ildə cəbhəyə yollanmış, 168 saylı hərbi hissənin tərkibində xidmət etmiş, Ağdam rayonunun Salahlı kəndi uğrunda gedən döyüşlərdə tank batalyonunda xidmət etmiş və 31 dekabr 1993-cü ildə itkin düşmuşdur.