Şəhidlərimiz — I Qarabağ Müharibəsi

Məmmədov Arif Musa oğlu 30 may 1953-cü ildə Göygöl rayonunun Çobanabdallı kəndində anadan olmuşdur. Orta məktəbin 8-ci sinfini bitirdikdən sonra təhsilini 9 saylı texniki peşə məktəbində davam etdirmiş və rəngsazlıq peşəsinə yiyənmişdir. O, 1972-ci ildə həqiqi hərbi xidmətə çağırılmış və iki il Polşada hərbi xidmətdə olub 1974-cü ildə xidmətdən qayıtmışdır. Arif Məmmədov hərbi xidmətdən qayıtdıqdan sonra Gürcüstana gedib 2 il orada gizirlik məktəbini oxumuş, oranı bitirdikdən sonra Gəncə şəhərinə gəlib hərbi hissədə gizir kimi xidmət etməyə başlamışdır. O, 1985-ci ildə ailə qurmuş, iki övladı dünyaya gəlmişdir. Arif Məmmədov 23 fevral 1993-cü ildə Xocalı faciəsinin təsiri ilə 27 fevral 1992-ci ildə könüllü olaraq cəbhəyə yollanmış, bir neçə döyüş tapşırıqlarını yerinə yetirmiş, böyük igidlik göstərmişdir. Məmmədov Arif Musa oğlu Ağdərə rayonunun Drambon kəndindəki Sərsəng Su Anbarının yanında itkin düşmüşdür.