Şəhidlərimiz — I Qarabağ Müharibəsi

Məmmədov Vaqif Yəhya oğlu 16 iyul 1961-ci ildə Füzuli rayonunda anadan olmuşdur. O, orta məktəbi bitirdikdən sonra 1979-cu ildə sovet orlusu sıralarına çağırılmış və Kamçatkada xidmət etmişdir. Vaqif Məmmədov 1985-ci ildə Gəncə şəhərinə gəlib ailə qurmuş, 2 övladı dünyaya gəlmişdir. Azərbaycan İqtisad Universitetini bitirən Vaqif Məmmədov Abadlaşdırma İdarəsində mühasib vəzifəsində işləmişdir. O, 20 oktyabr 1992-ci il tarixdə Kəpəz Rayon Hərbi Komissarlığı tərəfindən hərbi xidmətə çağırılmış, Füzuli rayonu ərazisində yerləşən 702 saylı hərbi hissədə qulluq etmişdir. Məmmədov Vaqif Yəhya oğlu 5 yanvar 1994-cü ildə Füzuli rayonunun erməni təcavüzkarlarından müdafiəsi zamanı şəhid olmuşdur. Vaqif Məmmədov Füzuli rayonunun Mahmudlu kəndində dəfn olunmuşdur.