Şəhidlərimiz — I Qarabağ Müharibəsi

Məhərrəmov İlham Cəfər oğlu 6 yanvar 1968-ci ildə Xanlar (indiki Göygöl) rayonunda anadan olmuşdur. O, orta məktəbi bitirdikdən sonra 1986-cı ildə həqiqi hərbi xidmətə çağırılmış, Sibirdə 2 il xidmət etdikdən sonra vətənə qayıtmışdır. İşi ilə əlaqədar Gəncə şəhərində məskunlaşmışdır. İlham Məhərrəmov 10 avqust 1992-ci ildə Kəpəz Rayon Hərbi Komissarlığı tərəfindən səfərbərliyə alınmış, 708 saylı hərbi hissənin tərkibində atıcı bölməsinin komandiri vəzifəsində xidmət etmişdir. Ağdam rayonunun müdafiəsində böyük igidlik göstərmiş, döyüş bacarığı ilə şəxsi heyətin hörmətini qazanmışdır. Dəfələrlə tərəfimizdən keçirilən döyüş əməliyyatlarında iştirak etmişdir. Məhərrəmov İlham Cəfər oğlu 26 sentyabr 1992-ci ildə Ağdam rayonunun müdafiəsində döyüş tapşırığını yerinə yetirərkən həlak olmuş və Gəncə şəhəri Şəhidlər Xiyabanında dəfn olunmuşdur.