Şəhidlərimiz — I Qarabağ Müharibəsi

İlqar Məhərrəmov 1965-ci il oktyabrın 29-da Gəncə şəhərində anadan olmuşdur. 8 №-li orta məktəbi bitirmişdi. 1983-1985-ci illərdə Volqoqradda həqiqi hərbi xidmətdə olmuşdur. Hərbi xidmətdən qayıtdıqdan sonra Avtomexanika Texnikumunda gözətçi işləmişdi. 1989-cu ildə ailə həyatı qurmuşdur.

İlqar Məhərrəmov könüllü olaraq 1991-ci ilin aprelində cəbhəyə yollanmışdı. 709 saylı hərbi hissədə bir neçə döyüş əməliyyatında iştirak etmişdi. Göstərdiyi hərbi xidmət hərbi hissə komandiri tərəfindən yüksək qiymətləndirilmiş, hərbi hissənin fəxri fərmanı ilə təltif olunmuşdur. Çaykənd, Sarısu, Todan, Ağdərə, Vəng, Drambon uğrunda döyüşlərdə olmuşdu.

İlqar Abuzər oğlu Məhərrəmov 1993-cü il iyulun 19-da Ağdamın Muğanlı kəndi yaxınlığında şəhid olmuşdu. Məzarı Gəncə Şəhidlər Xiyabanındadır. Şərəfinə xatirə bulağı çəkilmişdir.