Şəhidlərimiz — I Qarabağ Müharibəsi

Məhərrəmov Amil Əli oğlu 31 oktyabr 1965-ci ildə Goranboy rayonunda anadan olmuşdur. Goranboy rayon orta məktəbini bitirdikdən sonra 1983-1985-ci illərdə Belarusiya Respublikasında həqiqi hərbi xidmətdə olmuş, hərbidən qayıtdıqdan sonra o, «Taxıl məhsulları» kombinatında işləmişdir. Amil, 1988-ci ildə ailə qurmuş, iki övladı dünyaya gəlmişdir. Amil Məhərrəmov vaxtaşırı cəbhəyə yollanaraq döyüşçülərə ərzaq, paltarlar aparmışdır. Amil Məhərrəmov 12 aprel 1994-cü ildə Kəpəz Rayon Hərbi Komissarlığı tərəfindən səfərbərliyə alınmış, vətənin müdafiəsi uğrunda silaha sarılaraq 130 saylı hərbi hissənin tərkibində Çıldıran, Tərtər istiqamətlərində gedən döyüşlərdə igidlik göstərmişdir. Məhərrəmov Amil Əli oğlu  2 iyul 1994-cü ildə Tərtər rayonunun Cəmilli kəndi uğrunda gedən döyüşlərdə həlak olmuşdur.