Şəhidlərimiz — I Qarabağ Müharibəsi

Məhərrəmov Müşfiq Müzəffər oğlu Gəncə şəhərində yerləşən 16 nömrəli orta məktəbi bitirmişdir. Həqiqi hərbi xidmətini Sibirdə keçirən Müşfiq Məhərrəmov əsgərlikdən qayıtdıqdan sonra Azərbaycan ərazilərinin toxunulmazlığı uğrunda gedən döyüşlərdə iştirak etmiş, Cəbrayıl rayonu ərazisində yerləşən 773 saylı hərbi hissədə xidmət göstərmişdir. «Şiştəpə» əməliyyatında göstərdiyi xidmətlərinə görə komandiri tərəfindən qiymətli hədiyyə ilə mükafatlandırılmışdır. 30 iyun 1992-ci il tarixdə Müşfiq Məhərrəmov «Sur» əməliyyatında iştirak edən zaman böyük igidlik göstərmişdir. Beləki komandiri İbişovu yaralı vəziyyətdə düşmən əhatəsindən kənara çıxaran Müşfiq özü yenidən döyüş bölgəsinə qayıdaraq ermənilərə qarşı vuruşmuş və uzun müddət davam edən şiddətli atışmadan sonra yaralanmışdır. Müşfiq Məhərrəmovun meyiti 3 gün erməni əsirliyində qaldıqdan sonra geri alınmış, 02 iyul 1992-ci il tarixdə Gəncə şəhərinə gətirilərək ailə üzvlərinə təhvil verilmişdir. Elə həmin gün də Gəncə şəhər Şəhidlər Xiyabanında dəfn edilmişdir.