Şəhidlərimiz — I Qarabağ Müharibəsi

Mehdiyev Vəli Şüküralı oğlu 1 sentyabr 1968-ci ildə Zəngilan rayonunun Vejinəli kəndində anadan olmuşdur. O, Vejinəli kənd orta məktəbini bitirdikdən sonra Abşeronda Ceyranbatan qəsəbəsində yerləşən geniş profilli sürücülük məktəbində oxumuşdur. Vəli Mehdiyev 1988-ci ildə Biləcəri Rayon Hərbi Komissarlığı tərəfindən həqiqi hərbi xidmətə çağırılmış, Ukrayna Respublikasının Rovno şəhərində xidmət keçmişdir. O, 1990-cı ildə geri qayıtdıqdan sonra sürücü kimi işləmişdir. Vəli Mehdiyev 1992-ci ilin noyabr ayının 17-də cəbhəyə yollanmış, 702 saylı hərbi hissənin tərkibində Füzuli rayonu uğrunda gedən döyüşlərdə iştirak etmiş, döyüş bacarığı ilə əsgər yoldaşlarının böyük hörmətini qazanmışdır. Mehdiyev Vəli Şüküralı oğlu 19 yanvar 1994-cü ildə Füzuli rayonunda qəhrəmancasına həlak olmuş və 21 yanvar 1994-cü ildə Gəncə şəhəri Şəhidlər Xiyabanında dəfn olunmuşdur.