Abdullayev Araz Hüseyn Oğlu
- Doğum Tarixi: XX.XX.1969
- Şəhər: Gəncə
- Rütbə: -
- Dövr: I Qarabağ Müharibəsi
Abdullayev Araz Hüseyn oğlu 1969-cu ildə anadan olmuşdur. Gəncədəki 19 saylı orta məktəbi bitirərək 9 saylı texniki-peşə məktəbində avtomobil çilingəri peşəsinə yiyələnmişdir. Bir müddət Alüminium zavodunun yandırma və bərpaetmə sexində çilingər işləmişdir.
1992-ci ilin yanvar ayında baş leytenant Mehman Ələkbərovun başçılıq etdiyi Gəncə batalyonuna daxil olmuşdur. İlk döyüş yolu Ağcakənddən başlanmışdır. Araz Abdullayev tez bir zamanda igid kəşfiyyatçı kimi tanınmış, Qırmızıkənd, Marquşevan, Çaylı, Həsənqaya və Leninavanın erməni işğalçılarından təmizlənməsində böyük fədakarlıqlar göstərmişdir. Araz Abdullayev Ağdərə uğrunda gedən döyüşlərdə ağır yaralanmışdır. Hərbi hospitala çatdırılan Abdullayev bir müddət orada qaldıqdan sonra yenə də cəbhəyə qayıdmışdır. Araz Abdullayevin göstərdiyi hərbi şücaət bölük komandiri tərəfindən yüksək qiymətləndirilmişdir. Abdullayev Araz Hüseyn oğlu 1992-ci il iyul ayının 3-də ikinci dəfə düşmən gülləsinə tuş gəlmiş, həyata əbədi olaraq gözlərini yummuşdur.
1992-ci ilin yanvar ayında baş leytenant Mehman Ələkbərovun başçılıq etdiyi Gəncə batalyonuna daxil olmuşdur. İlk döyüş yolu Ağcakənddən başlanmışdır. Araz Abdullayev tez bir zamanda igid kəşfiyyatçı kimi tanınmış, Qırmızıkənd, Marquşevan, Çaylı, Həsənqaya və Leninavanın erməni işğalçılarından təmizlənməsində böyük fədakarlıqlar göstərmişdir. Araz Abdullayev Ağdərə uğrunda gedən döyüşlərdə ağır yaralanmışdır. Hərbi hospitala çatdırılan Abdullayev bir müddət orada qaldıqdan sonra yenə də cəbhəyə qayıdmışdır. Araz Abdullayevin göstərdiyi hərbi şücaət bölük komandiri tərəfindən yüksək qiymətləndirilmişdir. Abdullayev Araz Hüseyn oğlu 1992-ci il iyul ayının 3-də ikinci dəfə düşmən gülləsinə tuş gəlmiş, həyata əbədi olaraq gözlərini yummuşdur.
