Şəhidlərimiz — I Qarabağ Müharibəsi

Mehdiyev Murad Şəfa oğlu 14 yanvar 1964-cü il tarixdə Xocalıda anadan olmuşdur. O, orta məktəbi bitirdikdən sonra 1982-ci il tarixdə həqiqi hərbi xidmətə çağırılmış və Kiyev şəhərində qulluq etmişdir. 1984-cü ildə hərbidən qayıtdıqdan sonra ailə həyatı qurmuş, iki qız, bir oğul atasıydı. Murad Mehdiyev 1991-ci ilin noyabr ayında könüllü olaraq silaha sarılıb cəbhəyə yollanmış, özünümüdafiə batalyonunda vuruşmuşdur. Bir neçə döyüş əməliyyatlarının fəal iştirakçısı olmuş, savadlı, diqqətli və bacarığı ilə tez bir zamanda komandir və əsgər yoldaşlarının rəğbətini qazanmışdır.

Mehdiyev Murad Şəfa oğlu 24 fevral 1992-ci il tarixdə Xocalının erməni işğalçılarından müdafiəsində böyük qəhrəmanlıqla iştirak etmiş, düşmənin mühüm silahlı qüvvələrinə sarsıdıcı zərbələr endirmiş, qızğın döyüş zamanı həlak olmuşdur.