Şəhidlərimiz — I Qarabağ Müharibəsi

Rövşən Mahmudov 1969-cu il avqust ayında Gəncə şəhərində anadan olmuşdur. Uşaq ikən boksla məşğul olan Rövşən çox bacarıqlı, səbrli və təvazökar bir gənc idi. 38 saylı texniki-peşə məktəbini bitirmişdir. 1987-1989-cu illərdə Almaniyada həqiqi hərbi xidmətdə olan Rövşən hərbidən qayıtdıqdan sonra «Gəncə Mühafizə Şöbəsi»ndə işə qəbul olunmuşdur. Vətənin ağır günlərində Rövşən Özünümüdafiə batalyonuna yazılmışdı. O, bu batalyonun tərkibində 708 saylı hərbi hissədə vuruşmuşdu. Atası polis-kapitanı Əlastan da tez-tez döyüş bölgələrində olurdu. Dəfələrlə gənc döyüşçü atası ilə cəbhələrdə görüşmüşdü.

1994-cü il may ayında Rövşən Sırxavənd uğrunda gedən döyüşlərdə iştirak edir, atası isə yaxınlıqdakı çayın üstündə keşik çəkirdi. Rövşən Mahmudov iyunun 13-də əsgərlərə hərbi sursat apararkən sürdüyü maşın düşmən tərəfindən yandırılıb. mərhumun meyitini tapmaq mümkün olmayıb. Bu hadisədən bir xeyli sonra xəbər tutan kapitan Mahmudov oğlunun ölüm xəbərini eşidəndə elə döyüş bölgəsində ürəyi partlayıb ölmüşdü. Əlastan Qafur oğlu Mahmudov 1992-ci il iyunun 15-də Gəncə Şəhidlər Xiyabanında dəfn olunmuşdur.